والاجراء ده اجبارى يعنى لو ما وفقتش بعد يوم 8 فبراير فالواتس عندك هيقف ومش هيشتغل
طيب هو ليه عمل كدا
لان الواتس اب اللى هو نفس شركة الفيس عاوز يجمع اكبر معلومات عن المستخدمين علشان يستخدمها فى الاعلانات بمعنى
انت مثلا بتكلم صحبك على عربيه معينه فهو هيبيع المعلومه دى لتوكيل العربيه وبالتالى هتلاقى عندك اعلان العربيه كل شواية على كل منصاتهم ( الواتس - الفيس - الانستجرام )
طيب ايه خطورة الموضوع ده
الموضوع خطر على الناس اللى بتبعت صور شخصية ورسايل صوتيه شخصيه واى حاجه شخصية
حضرتك باختصار بتوافق انهم يعرفو عنك كل حاجه ( صورك وفيديوهاتك ومعلوماتك بياناتك تفكيرك )
تخيلى كدا ارسلتى صورة شخصية او فيديو شخصى جدا لاى حد مهما كان حتى لو على سبيل الهذار وبعد فترة هاكر عمل اختراق لسيرفرات شركة معينه وكان فيها صورك وبياناتك ايه شعورك
والكلام حصل قبل كدا على فكرة بس مش مع الواتس مع شركات تانيه
فنصيحة لو مصمم تستعمل الواتس بلاش اى حاجه شخصيه
ولو عاوز تستعمل تطبيق تانى بيشفر المحادثات فانصحك بتطبيق اسمه signal هو اامن كتير ومجانى تماما او التليجرام
بنقول الكلام ده لان للاسف فى ناس كتير صورها وفيديوهاتها الشخصية نزلت على الانترنت بدون علمها وسببلها اذى نفسى ومشاكل كبيرة وكمان لان كل كلمة هتقولها هتلاقى اعلان عنها قدامك على الفيس والواتس ودا شئ مزعج جدا